Trajneri i Francës, Didier Deschamps ka shprehur vlerësim ndaj përfaqësueses shqiptare, në konferencën për shtyp të mbajtur sot pasdite në “Sheraton” në Tiranë, një ditë pas ndeshjes miqësore në “Elbasan Arena”.
Deschamps ka theksuar se Shqipria zhvilloi një ndeshje të mirë nëntorin e shkuar në Rene, ku barazoi me rezultatin 1-1 ndaj Francës me gol të Mërgim Mavraj.
“Shqipëria në Rene ka bërë një paraqitje shumë të mirë dhe tregoi se është një skuader kompetitive. Edhe kundër nesh edhe me Italinë luajti ndeshje të mira. Kanë një ekip të mirë dhe mjafton të shikosh pikavarazhin”, tha ai.
Deschamps është shprehur se, Shqipëria i ka të gjitha shanset të kualifikohet për në kampionatin Europian “Francë 2016”. “Mendoj se mund të kualifikohen. Kanë arritur fitore të rëndësishme me Portugalinë dhe Armeninë dhe kanë shanse për kualifikim.
Duke përmendur pikat e forta të ekipit të drejtuar nga Giovanni De Biasi, Deschamps u shpreh se, “Shqipëria mbrohet mirë, dhe ka kundërsulm të rrezikshëm. Roshi është një lojtar i rrezikshëm dhe ngjan me Pogba. Edhe Cikalleshi është një lojtar interesant.
Ndërsa duke folur për Francën, e cila vjen nga dy humbje ndaj Brazilit dhe Belgjikës, Deschamps u shpreh se nuk do të ketë shumë ndryshime në këtë takim.
“Franca nuk do të ketë shumë ndryshime. Kemi zhvilluar ndeshje ndaj ekipeve të forta dhe me nivel, por sigurisht nuk kemi luajtur si një përfaqësuese e vërtetë”.
Ndërsa për yllin francez, Pol Pogba, trajneri Deschamps tha se, “ështe lojtar i të ardhmes, por edhe i të tashmes. Ai duhet të luajë i harmonizuar me lojtarët e tjerë”.
Ndërsa portieri i Francës, Hugo Lloris u shpreh se, “kemi ende shumë rrugë deri në Evropian. Ka presion pas ndeshjes me Belgjikën. Pogba dhe Evra janë një kthim i mirë janë të përgatitur, të motivuar dhe mendoj se janë lojtarë të rëndësishëm për përfaqësuesen tonë”.
Për ndeshjen me Shqipërinë, Lloris u shpreh se, “e vlerësojmë këtë ndeshje si mjaft të rëndësishme dhe do të japim maksimumin. Shqipëria na ka surprizuar në Rene, është ekip shumë i mirë dhe mendoj se kanë shanse për kualifikim”.
