Ndeshja më e shumë pritur në Itali, ajo mes Interit dhe Juventusit ka përfunduar në barazim 0- 0. Në San Siro, pavarësisht shumë tentativave askush nga dy skuadrat nuk ka mundur të shënojë një gol.
Ndeshja e vlefshme për javën e tetë të Serie A i ka dhënë nga një pikë skuadrave. Interi pati një shans për tu ngritur në vend të parë pas disfatës së Fiorentinës me Napolin, e cila kryeson kampionatin me vetëm një pikë diferencë. Sakaq Juventus mbetet në një pozicion të disfavorshëm të renditjes në kampionat, në vendin e 14. Ndeshja e zhvilluar në oret e darkës së të dielës nisi me një ritëm të shpejtë nga të dyja ekipet, të cilat kërkuan të shënonin.
Rastet e pastra të golit nuk munguan, ku këtu mund të veçohet goditja e kroatit Interist Brozovic e cila u devijua nga portieri Buffon e më pas goditi shtyllën.
Në pjesën e dytë ka qenë Juventusi më kërkues, dhe në një rast i ka ardhur mjfat pranë golit.
Në fund të sfidës, ndeshja u mbyll me rezultatin e bardhë 0- 0.
