Deputetja e Partisë Demokratike, Dhurata Çupi, e ftuar në studion e Report Tv ka komentuar qëndrimin e kritikëve të Bashës për krijimin e fraksioneve në PD.
Në mbledhje ne fundit të grupit parlamentarë Basha u shpreh se për sa kohë që do të jetë ai në krye të partisë nuk do të ketë fraksione.
Ndërsa sipas Çupit kritikët e kreut të PD-së nuk kanë pse të jenë në parti nëse kanë për qëllimin dëmtimin e PD-së.
“Nëse lëvizja është brenda PD-së duhet të jetë ndaj keqqeverisjes. Diskutimet ndaj Bashës janë të tepërta në këtë moment pasi ai tashmë është kreu i PD-së. Shumë personalitete të PD duhet ti shërbejnë partisë për ringritjen e saj.”, tha Çupi.
Ndër të tjera Çupi tha se qeveria po i bën presion organeve të vetingut pasi ka një tendencë të qartë të një kontrolli të qeverisë mbi këto struktura.
“Diskutimi i sotëm ishte për tre struktura të vetingut. PD e ka mbështetur vetingut edhe pse jemi etiketuar a e duam drejtësinë apo jo. Sot diskutimi i anëtarëve të PD ishin tre strukturat e vetingut të ngritura edhe në vullnetin e PD dhe kërkojmë funksionimin e tyre. Ata kanë kërkuar 185 punonjës të administratës, dhe tashmë të vendosim një pikëpyetje të madhe rreth tyre.
Ajo çfarë u diskutua sot në komisionin e ligjeve ishte ky numri i madh, dhe ajo që i shqetësoi komisionin juridik pjesën e deputetëve të partisë demokratike ishte që kishte një tendencë të qartë të një kontrolli të qeverisë mbi këto struktura. Ishte një presion i pastër, kanë tendencë për të kontrolluar në kuptimin financiar apo administrativ. Kishte një presion të hapur”, u shpreh deputetja e PD.
Sipas Çupit PD po punon edhe në lidhje me një platformë për statusin e minatorit, ndërsa ka shtuar edhe mundësinë e një bashkëpunimi me LSI-në.
“Kemi filluar nga puna për statusin e minatorëve, nuk jam ë në dijeni nës eLSI e ka bërë atë, por i ftoj sepse është në interes të minatorëve. Nuk e mohoj që do të isha e kënaqur që nëse do të ketë iniciativa nga LSI për bashkëpunim unë jam e hapur”, tha Çupi.
Ndër të tjera deputetja e PD-së ka folur edhe për importin e plehrave, duke u shprehur se qëndrimi i tyre do të jetë në mbështetje të interesit të qytetarëve.
“Qëndrimi i PD është i prerë, grupi i PD është në krah të qytetarëve. Ne jemi kundër ligjit i cili ndodhet në parlament”, u shpreh Çupi./a.m.
