Zvicra shumë shpejt mund përftojë dalje në det, dhe kjo duke blerë një ishull grek. Një oaz të paqes që mund të bëhet destinacioni i preferuar i elitës zvicerane. Kjo nuk është një fantazi, por propozimi i bërë nga Pierre Rusconi, deputet federal i Partisë Popullore, partia e së drejtës e cila është edhe forca kryesore politike e Konfederatës Zvicerane. Rusconi hodhi idenë, teksa ishte me pushime në ishullin grek Rodos. Pasi u kthyr në Zvicër, deputeti zyrtarizoi propozimin e tij duke sjellë edhe reagime të ndryshme.
“Jo vetëm një dalje në det, por ishulli mund të përdoret si një qendër sportive elite, por për sportistët tanë, si dhe destinacion pushimi në mënyrë të sigurtë, për qytetarët tanë,” tha deputeti.
