Deputeti i pavarur i Kuvendit të Kosovës, Gëzim Kelmendi ka theksuar se duhet që në shkolla të ligjërohet edhe feja.
Sipas tij, edhe shtetet më të fuqishme si Gjermania e Austria në programet e tyre shkollore e kanë edhe fenë në planprograme.
Kelmendi thekson në emisionin Interaktiv të KTV-së se në Kosovë janë këta politikanë të mendësisë komuniste dhe të inferioritetit nuk lejojnë që feja të futet në shkolla, raporton Gazeta Blic.
Sipas tij, njerëzit profesionistë duhet ta bëjnë një gjë të tillë. Pra, shton ai, feja duhet të mësohet në mënyrë institucionale. (b.an)
