Deputeti Armando Prenga rikthehet në Kuvend

Deputeti socialist, Armando Prenga, i rikthehet jetës parlamentare. Tre ditë pasi Gjykata e Lartë ndryshoi masën e sigurisë nga “arrest me burg” në “në detyrim paraqitje”, deputeti i PS, Prenga, i është rikthyer jetës parlamentare. Ai ka qenë paraditen e së hënës në punimet e komisionit të sigurisë kombëtare, ku është edhe anëtar i këtij komisioni. Në punimet e këtij komisioni ishte thirrur për të raportuar Ministria e Mbrojtjes Mimi Kodheli,lidhur me vizitën e Sekretarit Amerikan të Shtetit John Kerry dhe mesazhet e dhëna lidhur me çëeshtjet e sigurisë ku Shqipëria është e angazhuar.  Gjykata e Lartë, pak ditë më parë, ndryshoi masën e sigurisë nga arrest shtëpie në detyrim paraqitje, për deputetin Prenga, i përfshirë pak kohë më parë në një konflikt mes dy fiseve në Laç. Ai dyshohet se ka qëlluar me armë zjarri në drejtim të disa personave të fisit Cali. Konflikti dyshohet se ka nisur për shfrytëzimin e Lagunës së Patokut.