Policia e Shtetit ka reaguar pak orë pas kontrollit të ushtruar në banesat e gjyqtarëcve që ulën dënimin e Dritan Dajtit, duke shpëtuar atë nga burgu për jetë.
Duke pranuar gjykimin e shkurtuar gjyqatrët vendosën që Dajtit t’i jepnin si dënim vetëm 25 vite burg për vrasjen e 4 efektivëve të policisë.
Me nje deklarate per mediat, Policia ben me dije se “operacioni policor vazhdon edhe në këto momente, por mund të konfirmojmë se deri tani janë gjetur një sasi municioni, mijëra euro dhe prova të tjera, të cilat do të administrohen nga organet ligjzbatuese”.
Reagimi i Policise se Shtetit
Duke iu përgjigjur interesimit shumë të madh të medias, Policia e Shtetit konfirmon aksionin e ndërmarrë nga forcat speciale, në zbatim të urdhrit nr. 89, datë 14 shkurt 2019, të Gjykatës së Shkallës së Parë për Krime të Rënda, për të ushtruar kontroll në banesat e tre gjyqtarëve, të cilët zbutën dënimin e Dritan Dajtit.
Operacioni policor vazhdon edhe në këto momente, por mund të konfirmojmë se deri tani janë gjetur një sasi municioni, mijëra euro dhe prova të tjera, të cilat do të administrohen nga organet ligjzbatuese.
Në përfundim të operacionit, Policia e Shtetit do të ketë një komunikim të veçantë me median dhe publikun.
Shoqerimi i gjyqtarit Damini
Mesohet se kontrolli është bërë në 5 banesa dhe pas tyre është shoqëruar në polici gjyqtari Skënder Damini.
Ai është shoqeruar në policinë e Tiranë me urdhër të Prokurorisë, por avokati i tij mbrojës thotë se nuk ka asnje urdhër ndalimi ndaj klientit te tij.
Mësohet se gjatë kontrollit në banesë atij i është gjetur arme pa leje.
Pyetur nga mediat, vete gjyqtari Skender Damini nuk ka pranuar të japë asnjë koment për gazetarët të cilët ndodheshin pranë banesës së tij.
Kërkesa per kontroll është bërë nga Krimet e Rënda, pas dyshimeve për korrupsion, por ende nuk ka një konfirmim nëse është shënuar një procedim penal për rastin.
Kontrolli i banesave ka nisur në orën 7 të mëngjesit të sotëm, njëkohësisht në në banesat e 3 gjyqtarëve, gjyqtarin e Apelit të Vlorës, Skënder Damini, Petrit Aliajn, gjyqtar në Gjykatën e Apelit të Vlorës, dhe Aleks Nikollën gjyqtar në Gjykatën e Apelit në Shkodër.
E.Xh./
