Rafael Nadal është eliminuar nga çerekfinalja e Grand Slamit të parë të vitit në tenis, për shkak të një dëmtimi.
Tenisti spanjoll mori vendimin për t’u tërhequr nga dueli në setin e pestë të çerekfinales ndaj kroatit Marin Çiliç, transmeton KosovaPress.
Nadal pas dhimbjeve të mëdha vendosi të mos vazhdojë duelin duke humbur kështu këtë përballje dhe duke u eliminuar teksa rezultati pas katër seteve të para ishte i barabartë 2:2, ndërsa në setin e pestë Çiliç avanconte 2:0 në geme.
Në gjysmëfinale, tenisti kroat do të përballet me Kyle Edmund që eliminoi bullgarin Grigor Dimitrov pas katër seteve të luajtura me rezultat të përgjithshëm 3:1. (b.an)
