Detaje të reja janë mësuar nga sherri i ndodhur në Lundër.
Sipas informacioneve disa persona me makinë me shkopinj dhe sende te forta që i kanë marrë nga bagazhi i makinës së tyre, dhe kanë dhunuar 19-vjeçarin Kristi Fufi.
Fillimisht nuk e kanë pikasur dhe kanë hyrë edhe brenda lokalit duke e kërkuar derisa e kanë gjetur dhe e kanë dhunuar. Të riut i janë shkaktuar dëmtime në kokë dhe trup si pasojë e goditjes me sende të forta në kokë.
Në një reagim zyrtar policia ka njoftuar se sherri ka ndodhur mes disa personave të paidentifikuar. Si pasojë është dëmtuar shtetasi rreth 19 vjeç, i cili ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të rastit si dhe identifikimin e personave të përfshirë në konflikt.
