Më 21 gusht, Shtetet e Bashkuara të Amerikës zyrtarisht do të dërgojnë letrat kredenciale Presidentes së vendit Atifete Jahjaga, që kjo e fundit të proceduralisht të pranojë dhe dekretojë propozimin e SHBA-ve, Greg Delaëie, si ambasador në Kosovë.
Zëdhënësi i Presidencës, Arbër Vllahiu, ka bërë me dije për “Klan Kosova” se pas dorëzimit të letrave kredenciale, ambasadori i ri amerikan në Kosovë, Delawie, do të takohet me presidenten Jahjaga, ndërsa, pas këtij takimi do të përgatitet edhe një konferencë për medie.
