Del në treg Fairphone, celulari i ndershëm
Një firmë holandeze ka nxjerrë në treg variantin e dytë të atij që e ka pagëzuar si Fairphone (celular i drejtë, i ndershëm). Termi tingëllon paksa i çuditshëm, por shpikësit e tij sqarojnë se ky telefon prodhohet nga materiale që nuk vijnë nga zona lufte apo nga puna e të miturve. Në fakt, firma siguron se lëndët e para të Fairphone e kanë origjinën nga miniera dhe fabrika të certifikuara për mallin që trajtojnë. Gjithashtu celulari është prodhuar duke respektuar të gjitha të drejtat dhe patentat, mbi programet dhe aplikacionet që ka brenda. Me një fjalë është vërtetë një Celular i Ndershëm!
