Ministrja e Shtetit për Marrëdhëniet me Parlamentin, Ermonela Felaj deklaroi se maxhoranca dhe opozita janë pranë arritjes së marrëveshjes për dekriminalizimin e Parlamentit. Duke folur për mediat në përfundim të mbledhjes së grupit parlamentar socialist, Felaj pohoi se praktikisht nuk ka ndonjë pengesë për arritjen e marrëveshjes.
Megjithatë, këmbënguljen e opozitës për përfshirjen e kriterit të kryerjes së testit të drogës nga ligjvënësit, ajo e cilësoi “si kërkesë që e bën ligjin qesharak dhe të pamundur për t’u zbatuar”.
“Duhet të heqë dorë sepse përdorimi i asaj gjëje… këtë pyesni Partinë Demokratike nëse ka hequr dorë apo jo, por unë nuk e shoh që të prononcohet që të këmbënguli në këtë pikë sepse edhe Partia Demokratike duhet të jetë e qartë, ajo përveçse e bën dhe ligjin qesharak e bën dhe të pamundur zbatimin e atij ligji.” – tha Felaj.
