Ambasadori amerikan Donald Lu duke folur në forumin e dy ish presidentëve Moisiu e Mejdani, tha se sa i përket dekriminalizimit ambasada e rrugës së Elbasanit ka folur tanimë dhe se është e tepërt të përsërisë veten.
“Të hënën kam thënë shumë për zgjedhjet vendore në Shqipëri. Unë mendoj që është mjaft nga amerikanët për një javë. Të huajt nuk do të bëjnë këto zgjedhje të mirë, duhet të jetë shoqëria juaj civile, që do të sigurojë që demokracia shqiptare të jetë e mbrojtur”, tha Donald Lu.
Ish presidenti Moisiu tha se akoma ka kohë për korigjime të mangësive a dobësive që mund të kenë partitë politike.
“Ende ka ca ditë kohë deri në afatin përfundimtar, dhe ndonjë mangësi e dobësi dhe mund të korrigjohet nga partitë politike, veçanërisht përfshi këtu dhe ndonjë kandidaturë që mund të ketë pasur probleme me drejtësinë”, tha ish presidenti Alfred Moisu.
Të hënën, Ambasadori i SHBA në vendin tonë, Donald Lu gjatë prezantimit të ndihmës amerikane për zgjedhjet e 21 qershorit, tha se kanë identifikuar në listat e kandidatëve disa emra me histori të mundshme kriminale dhe se po i diskutojnë ato me udhëheqësit politikë. Deklaratat e ambasadorit amerikan erdhën vetëm 5 ditë përpara mbylljes së afatit zyrtar të regjistrimit të kandidatëve për zgjedhjet lokale
