Pasi ministri i Brendshëm, Fatmir Xhafaj depozitoi kallëzim në prokurori për dekonspirim operacionesh, që u pasuan me mosarrestimin e tre ish shefave të policisë, në kuadër të hetimeve për trafik droge në Vlorë, prokuroria e Tiranës ka nisur hetimet, bën me dije ReportTv
Kallezimi u njoftua nga vetë kryeministri Edi Rama, i cili e paralajmëroi veprimin e Xhafajt, me datën 24 nëntor të vitit të shkuar teksa ishte i ftuar në studion e emisionit “360 grade” në oranews.
Kallëzimi i Xhafës bëhet edhe ndaj oficerë të SHÇBA.
Sipas kallëzimit të depozituar në prokurori thuhet:
“Kemi dyshime, të krijuara nga të dhënat paraprake që ne disponojmë, se tre ish-zyrtaret e policisë ishin njoftuar për masat e nxjerra në ngarkim të tyre. Në këto kushte ndodhemi para vepres penale të nxjerrjes së sekretit shtetëror“, thuhet në padi.
Gjithashtu në padi përmendet edhe rasti i dekonspirimit të operacionit të Babicë ku u publikuan pamje nga operacioni.
“Ministri i Brendshëm Fatmir Xhafa do të nisë nesër një kallëzim penal për dekonspirimin e aksionit të policisë për arrestimin e 3 ish zyrtarëve të lartë. Bëhet fjalë për tre ish shefa të policisë, Jaeld Çela, ish-shefin e Krimit të Organizuar në Vlorë, Gjergj Kohila dhe ish-Shefin e Postës Kufitare të Dhërmiut, Sokol Bode.
“Për rastin konkret s’dua të bëj replika me opozitën, opozita është në një proces të vetin dhe nëse ka një subjekt që është dukshëm në drejtim të paditur dua ti them që ministri i Brendshëm nesër besoj do të bëjë kallëzim penal për të kërkuar një hetim të plotë për dekonspirimin e sekretit hetimor në rastin konkret duke përfshirë të gjithtë ata që kanë pasur dijeni përfshirë dhe vetveten dhe duke vënë në dispozicion të organeve të hetimit ë gjithë gatishmërinë e palës që përfaqëson, pushtetit ekzekutiv duke kërkuar që të vihen në gatishmëri për hetimin dhe të tjerët….personat ne dijeni per operacionin. Do kerkoje hetim, me nje kallezim penal per dekonspirim. Do vere ne dispozicion te hetimit vetveten dhe palen qe ka pasur dijeni per kete operacion qe jane nje numer shume i kufizuar, se jemi ne nje situate qesharake..Eshte mundesia te behet hetimi ne rastin konkret per te shkuar drejt dekonspiruesit se kjo histori nuk mund te vazhdoje keshtu”, u shpreh Rama.
Çfare deklaroi Xhafaj
“Unë nuk merrem unë me cështjet e kërkimit, kjo është detyrë e policisë dhe besoj që është duke e bërë”, tha Xhafaj ne nje deklarate per median, pak kohe pasi ishte bere kallezimi.
Deri ku kanë arritur kërkimet tuaja përsa u përket tre ish-drejtuesve të lartë të Policisë së Shtetit për çështjen “Habilaj”?
Ministri Xhafaj: Unë jua shpjegova që nuk merrem unë me çështje të kërkimit, të cilitdo që kërkohet nga Policia e Shtetit. Policia e Shtetit ka detyrën për të bërë këtë gjë dhe unë besoj që është duke e bërë.
A ka një bashkëpunim me ndërkombëtarët sepse thuhet se kanë dalë jashtë shtetit?
Ministri Xhafaj: T’u japim ndërkombëtarëve atë që i takon ndërkombëtarëve, mos t’ju japim edhe përgjegjësi që nuk i takojnë atyre.
a.ç
