Artan Hoxha: Një përgjues është blerë privatisht 1 mln euro për të bërë shantazhe

Gazetari Artan Hoxha ka shokuar me një deklaratë të tijën ku thekson se në vend ekziston një pajisje përgjimi që përdoret për qëllime shantazhi.

Ai tha se pajisja e shumëdiskutuar e policisë nuk ka aftësi përgjuese, por vetëm lokalizon vendodhjen e celularit nën gjurmim.

Sipas Hoxhës pajisja e cila është blere privatisht, ka aftësi të përgjojë 20 persona njëherësh.

“Brenda Republikës së Shqipërisë ndodhet një pajisje që mund të përgjojë 20 persona njëherësh. Përgjim telefonatash dhe të mesazheve. Kjo pajisje është instaluar privatisht dhe përdoret kryesisht për qëllime shantazhi. Pajisja që pretendohet se ka policia, nga informacioni që kam unë është një pajisje lokalizuese. Ajo nuk mund të përgjojë telefonata apo sms. Ajo pajisje identifikon aparatin, numrin e imeit, numrin e telefonit dhe numrin serial të kartës” – tha Hoxha

(javanews.al / r.a)