Kreu i PD-së, Lulzim Basha i është përgjigjur sot kreut të Qeverisë për propozimin e tij të fundit se është gati ti japë opozitës KQZ-së. Lulzim Basha përsëriti se Partia Demokratike nuk do të regjistrohet në zgjedhjet që ai i quajti fasadë. Gjatë fjalës së tij ai sulmoi edhe kryetarin e KQZ-së.
“Nuk ka dhe do ketë asnjë zgjidhje tjetër përveç largimit të kryeministrit. Ju jap KQZ-në thotë. Po çfarë duhet KQZ-ja kur ti ke krimin, kur ke drogën, kur ke një polici që e ka shndërruar në repart ushtarak të krimit. Kjo KQZ është kukull me këtë kryetar idiot që u thotë shqiptarëve që tani që po afron afati i regjistrimit, unë e shtyj edhe 19 ditë. O Denar Biba je kryetar i KQZ-së, jo Papa i Vatikanit, o idiot. Regjistrimi skadon nesër, opozita nuk regjistrohet për zgjedhje fasadë”.
Duke folur nga çadra e demokratëve ai tha se “Populli është i bashkuar. Demokratë dhe socialistë në mjerimin e tyre, i ke bashkuar ti. Të paralajmëroj të mos i frysh zjarrit të përçarjes së shqiptarëve duke i hedhur kundër njeri- tjetrit. Hiq dorë nga kërcënimi ndaj opozitës dhe kauzës së shqiptarëve të bashkuar. Luftë siç e përmende zotrore, përplasje civile për të mbrojtur karrigen dhe prapanicën tënde të korruptuar, kurrë nuk do të ketë në Shqipëri. Po e kërkon me qiri konfliktin mes shqiptarëve, por ata skanë konflikt me njeri- tjetrin”.
Kreu i Partisë Demokratike shtoi se Edi Rama ende nuk ka reaguar për vrasjen e Artan Çukut, ashtu siç nuk flet për drogën e gjetur në Përmet.
“Ka humbur lidhjet me realitetin, jeton në flluskën e tij, i rrethuar me milionat e korrupsionit”, theksoi Basha.
c.a
