Debati për Portin e Durrësit, Balluku-opozitës: Për akuzat me Vuçiçëra dhe Serbira, ju flet Frojdi…

Në debatin për portin e Durrësit gjatë seancës plenare në Kuvend është përfshirë edhe zv/kryeministrja Belinda Balluku. Ajo u shpreh se Durrësi do të bëhet një nga polet turistike më të rëndësishme të Europës dhe do të ketë portin komercial më modern të rajonit. Duke iu drejtuar opozitës, ajo u shpreh se mazhoranca socialiste është poli i zhvillimit dhe punon për shqiptarët dhe Shqipërinë.

“Duhet të jetë shumë dhimbshme dhe e kuptojmë që është çështje e natyrës njerëzore që të kaloni në by passin e Vlorës, të kaloni në by passin e Fierit, që supozohet i nisët vetë dhe as në 2% të punimeve nuk i çuat. Duhet të jetë e dhimbshme shumë kur të kaloni tunelin e Llogarasë apo kur në shtëpinë tuaj të vijnë dritat nga Skavica. Këto i keni pasur ëndrra në sirtar dhe do ju përndjekin gjithë jetën pasi nuk arritët ti realizoni kurrë. Natyra juaj njerëzore tregon që e vuani pafundësisht faktin që Shqipëria po zhvillohet. Në Shqipëri po ndodhin vepra të mëdha që ju vetëm flisnit për to. Quani një aferë një nga projektet më të mëdha jo vetëm të Shqipërisë, por të rajonit, madje edhe të Europës. Për më tepër kjo është procedurë, “government to government” e njohur dhe nuk ka asgjë për t’u sharë. Është procedurë zyrtare. Bëjeni zërin dysh sepse në fund fare bashkoheni me idetë tuaja, bëheni kot si të ndarë. Keni që në mëngjes merreni me ballinën ujore të Durrësit dhe portin e jahteve një investim prej 2 mld eurosh që nuk kemi nga t’i marrim se do të vijnë në formë investimi. As t’i jep kush, as nuk t’i merr kush se aty e keni mendjen ju si do të merren lekët. Historitë me Vuçiçëra dhe Serbira, unë e kuptoj që ju flet Frojdi, se janë të gjitha historitë që keni pas bërë ju me thyerje embargoje e me çudira të tjera. Jo se keni pas bërë ju dhe loboheshit ju nga lobet serbe, ruse, siç loboheni sot e kësaj dite, patjetër duhet ta bëjmë dhe ne. Ne nuk jemi pasqyrim i juaji, nuk jemi relektimi juaj, jemi komplet poli juaj i kundërt. Ne jemi poli i zhvillimit, ne jemi ata që sjellim ndryshimin, jemi ata që bëjmë rrugët që latë ju rrugëve. Nuk mund të flisni ju për afera kur jeni ju që keni bërë aferat më të mëdha historikisht në Shqipëri. Ju nuk mund të na njehsoni me veten tuaj, sepse nuk jemi si ju. Nuk i përkasim asnjë lobi, ne punojmë për shqiptarë dhe punojmë për Shqipërinë. Durrësi do të bëhet një nga polet turistike më të rëndësishme të Europës. Durrësi do të ketë portin komercial më modern të rajonit që nuk do i shërbejë vetëm Shqipërisë”, u shpreh Balluku

/a.r