Debatet mes mazhorancës dhe opozitës kanë shoqëruar mbledhjen e sotme të Këshillit Bashkiak të Tiranës. Kanë qenë anëtarët demokratë të cilët në nisje të mbledhjes kanë kërkuar shpjegime në lidhje me bunkerin që po ndërtohet në qendër të Tiranës, në hyrje të Ministrisë së Brendshme.
Por në përgjigjen e tij Kryetari i Këshillit të Qarkut Tiranë Aldrin Dalipi u shpreh se nuk është Bashkia institucioni përgjegjës për ndërtimin e bunkerit apo për dhënien e informacionit. Sipas Dalipit, informacioni për këtë çështje duhet të merren në një institucion tjetër.
Bunkeri në fjalë u bë shkak për protesta nga ana e ish-të përndjekurve politikë, protestë e cila përshkallëzoi deri në përplasje me policinë.
