Në tregun e këmbimit valutor vendas, të mërkurën në mesditë dollari amerikan forcoi pozitat ndaj lekut duke arritur vlerën e këmbimit 124.88 lekë ose 0.42 lekë më shumë se një ditë më parë.
Sipas kursit zyrtar të Bankës së Shqipërisë, monedha e përbashkët evropiane, ka shënuar rënie në mes të kësaj jave, pas një qëndrushmerie disa ditore që reflektoj në vlerat e këmbimit me lekun, duke zbritur sot nën kuotën e 140 lekëve.
Sipas BSH-së, një euro u këmbye sot me 139.11 lekë, 0.15 lekë më pak se një ditë më parë,
Ndryshimet reflektojnë lëvizjet në tregun ndërkombëtar ku dollari forcoi pozitat ndaj euros. Në tregun vendas, sezoni i zgjatur turistik deri në fund të muajit shtator shoqërohen me një rënie të euros si rrjedhojë e rritjes së prurjeve të euros nga emigrantët dhe turistët. Por, gjithësesi sipas aktorëve të fushës këmbimi valutor luhatet në nivelet e parashikuara nga Banka e Shqipërisë.
