Buxheti i vitit 2017 është konsideruar nga qeveria si buxheti i realizimit të reformave dhe rritjes së pagave dhe pensioneve.
Gjatë disktimit në komisionin Parlamentar të Ekonomisë dhe Financave të shpenzimeve të parashikuara në vitin 2017 nga qeveria, ministri i Financave Arben Ahmetaj tha se ky është buxheti i realizimit të reformave dhe rritjes së pagave dhe pensioneve, ndërsa siguroi se në gjysmën e parë të vitit do të konsumohet vetëm 55% e defiçitit, edhe pse vit elektoral.
Por reforma e pensioneve, edhe pse e mbështetur nga Banka Botërore, ka qenë një ndër më të kritikuarat nga opozita. Deputeti i PD, Florjon Mima, e cilësoi një dështim këtë reformë që në thelb të saj, duke u fokusuar te përfitimi i personave që nuk kanë kontribuar në skemën e sigurimeve shoqërore.
Kjo është kundërshtuar nga ministri i Financave, Arben Ahmetaj, sipas të cilit, filozofia e majtë ka një “fytyrë” sociale dhe për këtë kanë patur mbështetjen e qytetarëve. Sipas Ahmetaj, aktualisht në këtë skemë janë futur dhe përfitojnë rreth 4 mijë persona të cilët më shumë arsye nuk janë përfshirë më parë në skemë./a.m.
