Arritja e Shqipërisë në fazën finale të Europianit 2016, sigurisht që ka qenë arritja më e madhe në historinë e Kombëtares kuqezi.
Me trajneri Xhani De Biazi në krye, Shqipëria arriti një moment kulminant në historinë e saj, dhe të shumë ishin tifozët që këtë sukses ia adresuan pikërisht teknikut italian. Të shumtë janë ata që ende e kanë në zemër De Biazin, dhe këtë e kanë shfaqur edhe ditën e sotme, në stadiumin Zimbru të Çishinjevit në Moldavi.
Në një flamur shqiptar të varur në tribunat e stadiumit, disa tifozë kanë stampuar fytyrën e De Biazit në mes të shqiponjës dykrenare, dhe poshtë shkruhet në italisht: “Grazie Mister”.
