Gianni de Biasi mendon se Arsenali ka bërë zgjedhjen e duhur kur vendosi që ta transferojë në ‘Emirates Stadium’ Granit Xhakën
Në një intervistë për “Tonight Ilva Tare”, trajneri i kombëtares shqiptare, Gianni De Biasi, foli për shumë gjëra, në mesin e tyre edhe për vëllain e Taulant Xhakës, Granit Xhakën.
Duke treguar se Shqipëria u vonua në ftesën për të luajtur për Kombëtaren shqiptare, De Biasi tha se Arsenali ka bërë një goditje të mirë në afatin e transferimeve të verës.
“Granit Xhaka është pjesë e Arsenalit. Është një lojtar i jashtëzakonshëm, i fortë, mua më pëlqen shumë dhe është një lojtar që me të vërtetë do t’i shtonte shumë cilësi skuadrës sonë, por ai tashmë ka zgjedhur Zvicrën”, theksoi De Biasi.
Express/d.i.
