Në mbyllje të takimeve tre ditore në Davos të Zvicrës, ku pjesëmarrës në forumin ekonomik Botëror ishin liderët e Ballkanit Perëndimor me të cilët kryeministri Edi Rama sot zhvilloi një takim, fokusi u vendos pikërisht te ecuria për bashkëpunimin rajonal mes vendeve.
Vetë kreu i qeverisë shqiptare ka postuar një foto pas përfundimit të takimit të sotëm ku flet edhe rreth fokusit që kishte ky forum jo vetëm për rajonin e Ballkanit, por edhe më gjerë.
“Me takimin mes liderëve të Ballkanit Perëndimor, Komisionerit Hahn dhe CEO-s së Forumit Ekonomik Botëror, Borge Bende, mbi ecurinë e bashkëpunimit rajonal, procesin e integrimit europian si edhe rritjen e investimeve të huaja, u mbyll qëndrimi treditor në Davos.”, shkruaj Rama.
