Shqipëria drejt zgjedhjeve vendore më 14 maj, është e diela e fundit që parashikon Kodi Zgjedhor. Teksa në Presidencë po zhvillohen konsultimet duket se ka një dakordësi mes palëve që kjo të jetë data.
Burime për Report Tv bëjnë me dije se 14 maji është kërkesë edhe e opozitës pasi sipas tyre i jep kohë komisionit të reformës territoriales dhe i jep kohe dhe komisionit të reformës zgjedhore për rregullime paraprake. Po ashtu nuk ndikon në sezonin veror. Ky propozim ka edhe dakordsinë e mazhorancës.
Report Tv mëson se Presidenti i ka nisur takimet me Oerd Bylykbashin, si përfaqësues i ‘Rithemelimit’ të Berishës, dhe në mesditë një bisedë me kryetarin e Partisë së Lirisë, Ilir Meta. Sakaq, mesohet se sot në 13:00 Begaj zhvillon takimet me përfaqësues të partive të vogla parlamentare, Fatmir Mediu, Dashamir Shehi. Agron Duka dhe Vangjel Dule.
Ndërsa nesër në 18:00 pritet takimi me kryetarin e grupit parlamentar demokrat, Enkelejd Alibeaj, dhe konsultimet mbyllen me kryetarin e grupit të më të madhe parlamentar, atë të Partisë Socialiste, Taulant Balla, ditën e enjte. Sipas Kodit Zgjedhor, zgjedhjet në Shqipëri zhvillohen në periudhat 15 prill deri në 15 maj, ose nga 15 tetori deri në 15 nëntor, por që në këtë rast zgjedhjet me shumë mundësi do të jenë në periudhën e parë./ shqiptarja.com
/e.d
