Kreu i LZHK-së Dashamir Shehi paralajmëron kryeministrin Edi Rama se ai dhe aleatët opozitarë do të vijojnë më tej aksionin opozitar deri në rrëzimin e qeverisë.
Deputeti thotë për Panorama se opozita do vijojnë të përplasen me efektivët duke theksuar se deputetët e djathtë “nuk janë pula që mund t’i përzerë Rama me shkop.
“Ne duam paqe dhe qetësi. Përpara të gjithave na intereson vendi ynë.
Por kjo nuk do të thotë që ne jemi pula, që i përzë me shkop Edi Rama. Nëse ai dëshiron të provokojë opozitën, mund të marrë edhe rezultate të tjera.
Nëse vendet anëtare do të vendosin kushte dhe vendimi për çeljen e negociatave për Shqipërinë do të shtyhet për në muajin dhjetor absolutisht që ne, nëse ndodh ky skenar, do të rishikojmë qëndrimin tonë.
Do të sulmojmë këtë qeveri, e cila është përgjegjëse për këto 5 vite që i kanë sjellë dëme shqiptarëve”, tha Shehi.
a.ç
