Aleati i Lulzim Bashës, Dashamir Shehi, ka deklaruar se kreu i opozitës bëri dje një ofertë të re me negociatorët për zgjidhjen e krizës, ku kryeministrin e ri teknik ta zgjidhte mazhoranca. Sipas tij, Basha doli nga takimi me negociatorët me qëndrimin që hyri, pasi që në krye të herës ka vënë kusht largimin e Ramës. Shehi deklaroi edhe njëherë se i ka kërkuar Bashës të votojnë vettingun, pasi sipas tij, do të hiqnin një barrë të madhe nga supet. Gjatë një interviste, Shehi deklaroi se tani opozitës i mbetet opsion rruga.
“Basha doli nga takimi me atë qëndrim që hyri. Kushti ynë bazë ka qenë, kërkojmë qeveri teknike pa Ramën. Largimi i Ramës, kushti ynë kryesor. Basha bëri ofertë, kryeministrin e ri teknik ta zgjedhë maxhoranca. Kjo tregon se nuk duam pushtet në tavolinë, por kushte për zgjedhjet.Mazhoranca nuk lëshoi terren në emër të vettingut. Ka dalë vettingu për çdo gjë, ky është justifikim. Unë do e votoja me qejf të madhe vettingun, do dëshiroja ta hiqja qafe. Do e kisha votuar vettingun, edhe pse Rama po fut duart në drejtësi. Do doja të votoja vettingut që tu mbyllet goja të huajve. I kam thënë Bashës që të votojë vettingun. Tani na mbetët rruga. Do përshkallzojmë rezistencën civile. Protesta në Kavajë paqësore. Nuk bllokojmë zgjedhjet më dhunë, por prezenca popullore do jetë e madhe. Ne kemi marrë vendim, nuk hyjmë në zgjedhje”, tha Shehi.
Kreu i LZHK deklaroi se do të marrë pjesë në takimin me ambasadorët, megjithëse sipas tij, ata nuk i kanë reflektuar shqetësimet e paraqitura.
“Do marr pjesë në takimin me ambasadorët. Nuk i reflektojnë mendimet tona, por do respektoj statusin e dilpomatit. Brenda një marrëveshje do të votojmë vettingun. Ora 9 votohet qeveria teknike, në 11 vettingu. Shqipëria do bëhet me vetting dhe sistem gjyqësor. Do e votojmë vettingun, por kërkojmë garancitë tona”, tha Shehi.
Shehi deklaroi se çadra do jetë në bulevard deri më 7 maj, pastaj rrugët e protestës duhet të jenë në forma të tjera.
“Ka disa etapa që mund të shërbejnë si skadencë për mbylljen e çadrës. Deri më 7 maj çadra do jetë në bulevard. Punë më të mëdhaja janë bërë, rrugët e protestës duhet të jenë në forma të tjera. Mbas zgjedhjeve në Kavaja, çadra e ka kryer mjaftueshëm misionin”, tha Shehi./javanews.al
c.a
