Aleati i kryedemokratit Lulzim Basha, Dashamir Shehi duke folur nga protesta është shprehur se ajo do të vazhdojë pasi nuk ka urdhër për tu mbyllur.
Në një prononcim për A2 News, Shehi ka thënë se fatmirësisht protesta kontrollohet nga partitë politike, se po të dilte populli në shesh, Ramën do ta gjejë belaja.
“Duhet pyet Basha dhe këta ça do të vendosin. Për momentin do të qëndrojmë këtu. Këtu falë Zotit nuk ka asnjë njeri të gërvishtur përveç asaj dere të tymosur. Kjo është protestë paqësore komplet. Nuk shikoj ndonjë dhunë. Sot protestën po e kontrollojnë partitë. Ditën që do dali populli në protestë atëherë Rama do gjejë belanë’, tha Shehi.
Opozita kërkon rrëzimin e kryeministrit Edi Rama, krijimin e një qeverie tranzitore që do t’iu hapë sipas saj rrugën zgjedhjeve të lira dhe të ndershme.
/a.rada
