Deputeti Dashamir Shehi thotë se për Bashkinë e Tiranës 2 janë kandidatë pretendent për të fituar, nga 6 të tillë.
I ftuar në emisionin Opinion në Tv Klan, Shehi thekson se pretendentët janë Erion Veliaj dhe Belind Këlliçi.
Por, Dash Shehi ka vlerësuar edhe ambicien e kandidatëve të tjerë që janë regjistruar në zgjedhje për Bashkinë e Tiranës në 14 Maj.
“Këta që janë pse i keni vënë kështu, edhe fotografitrë i keni bërë më të mëdha. I keni ndarë pa filluar. Besoj që këta që janë në qendër kanë peshën. Çdo njeri që ka hyrë i ka vënë vetes një target. Dikush hyn për të mbledhur vota, dikush për të forcuar partinë, dikush për t’u njohur. Tirana ka vend për të gjithë për të hyrë në garë, nuk ka vend për të fituar. Janë krijuar dhe ca ide pse hyn ky. Duhet të dalin të gjithë në fushë, pastaj fusha tregon kush është më i zoti. Gjatë rrugës mund të bëhen edhe kompromise”, deklaroi Dashamir Shehi.
/a.r
