Departamenti amerikan i Shtetit po u rekomandon amerikanëve të shmangin të gjitha udhetimet ndërkombëtare, ndërsa pandemia e koronavirusit thellohet.
Departamenti e ngriti nivelin e rekomandimit të udhëtimit në 4, më i larti i rrezikshmërisë, zakonisht i rezervuar për vende në zona lufte, ose me probleme të mëdha.
“Në vende ku udhëtimi civil është i mundur, qytetarët amerikanë që jetojnë në Shtetet e Bashkuara duhet të bëjnë planet për kthim të menjëhershëm në Shtetet e Bashkuara, përveçse nëse janë të përgatitur të mbeten jashtë vendit për një kohë të pacaktuar”, thuhet në njoftimin e Departamentit të Shtetit.
Njoftimi është rekomandim, jo detyrim. Miliona amerikanë janë ende jashtë Shteteve të Bashkuara.
“Nëse vendosni të udhëtoni jashtë vendit, planet tuaja mund të jenë të ndikohen rrënjësisht dhe mund të detyroheni të qëndroni jashtë Shteteve të Bashkuara për një kohë të pacaktuara”, thuhet në paralajmërimin e udhëtimit.
Për më tepër, udhëzimi paralajmëron njerëzit ‘nëse vendosni të udhëtoni jashtë shtetit ose jeni tashmë jashtë Shteteve të Bashkuara’, atëherë duhet të ‘keni një plan udhëtimi që nuk mbështetet në ndihmë të qeverisë amerikane.’
‘Konsideroni të ktheheni në vendin tuaj të banimit menjëherë duke përdorur çfarëdo mjeti tregtar të disponueshëm,’ këshillon departamenti.
g.kosovari
