Darëzeza, një tjetër perlë e Adriatikut fshehur mes pishave, që fton të gjithë pushuesit për ta shijuar plazhin pak të zbuluar por me peizazh të mrekullueshëm. Kështu shkruan kryeministri Rama në rrjetet sociale, të shoqëruar me një video të plazhit të Darëzezës.
Plazhi i Darëzezës, në brigjet e detit Adriatik në qarkun e Fierit po tërheq gjithnjë e më shumë turistë vendas apo të huaj.
Kryeministri Edi Rama ndau këtë të enjte në rrjetet sociale pamje nga ky plazh, të cilin pushuesit e zgjedhin për shkak të bukurisë, por kryesisht të pastërtisë që ofron.
Rama tha se “Darëzeza është një tjetër perlë e Adriatikut fshehur mes pishave, që fton të gjithë pushuesit për ta shijuar plazhin pak të zbuluar, por me peizazh të mrekullueshëm”.
Kryeministri kërkoi nga pushuesit që të kujdesen, dhe ta lënë plazhin po aq pastër sa e gjejnë.
Bregdeti i Darëzezës është i vetmi në Ballkan ku era krijon dallgë të cilat janë të favorshme për ushtrimin e sporteve të veçanta në Shqipëri.
Ky plazh ndodhet larg zonave urbane duke u shmangur edhe ndotjen nga derdhjet e ujërave të zeza.
Në fundjavë ky plazh është destinacioni i qytetarëve fierakë, e jo vetëm. Rëra është e imët dhe plot jod, mbrëmjet të freskëta dhe mbresëlënëse. Një tjetër atraksion që pushuesit zgjedhin këtë zonë për të pushuar ëshstë edhe kulinaria. këtu ka lokale të shumta që ofrojnë kuzhinën tradicionale vendase.
/a.r
