Violinisti Charlie Daniels, këngëtari Randy Travis dhe producenti Fred Foster do të bëhen anëtarët e rinj të Hall of Fame në muzikën country, u bë e ditur ditët e fundit në Nashville, citohet BETA.
Treshja do të pranohen gjatë një ceremonie, e cila do të mbahet më vonë gjatë këtij viti, thanë të mërkurën përfaqësuesit e Hall of Fame, Muzeut dhe Shoqatës së muzikës country në Nashville.
Trevis po shërohet nga një goditje në tru, të cilën e mori në vitin 2013. Ai ka fituar shtatë herë çmimet Grammy. Ai është 56 vjeçar dhe gazetarëve arriti thjesht t’u thotë “faleminderit”, pas së cilës ai mori duartrokitje të zjarrta nga anëtarët e Hall of Fame, si edhe nga prodhuesit dhe menaxherët e këtij zhanri të muzikës.
Travis u pranua shpejt në kategorinë e artistëve bashkëkohorë. Ai është i famshëm për albumin e tij “Storms of life ” (Stuhitë e Jetës), i cili erdhi pas një serie prej gjashtë albumesh platini të certifikuara. Gjatë viteve nëntëdhjetë ai gjithashtu ka luajtur në dhjetëra role në film dhe televizion.
Daniels është 79-vjeçar dhe u pranua në kategorinë e veteranëve. Ai është një multi-instrumentalist dhe ka qenë lider i grupit të Charlie Daniels. Në muzikën e tij përzihet country, boogie dhe bluz. Ai e filloi karrierën e tij si muzikant studio në Nashville dhe ka luajtur në pjesë klasike të tilla si “Nashville Skyline”, Bob Dylan apo ” Beaucoups of Blues” të Ringo Star.
“Jam i nderuar dhe me shumë modesti kujtoj shpatullat ku jam mbështetur. Artistët të cilët kanë përshkruar miliona milje për të sjellë këtë muzikë për njerëzit që e duan, për njerëzit e zakonshëm, për njerëzit kudo në qoshet e këtij kombi “, tha Daniels.
Fred Foster e transferoi më 1960 Shtëpinë Diskografike (Monument Records) nga Uashingtoni në Nashville, ku ai nënshkroi një kontratë me Orbison Rojo. Ky bashkëpunim ka prodhuar disa nga hitet më të njohura, të tilla si “Only the Lonely”, “Crying” Krajing “Oh, Pretty Woman”.
Foster, tani 84-vjeçar, ka nënshkruar një kontratë me të riun Dolly Parton dhe ka punuar edhe me disa yje të tjerë të vendit, të tillë si Willie Nelson, Ray Prize dhe Ginny Silly. Ai është i njohur si njeriu i cili e bëri yll Kris Kristofferson. Ai është bashkë-autor i këngës legjendare të Kristofferson “Me dhe Bobby McGee”.
