Një koleksion prej 21 automjetesh në pronësi të aktorit të ndjerë Paul Walker janë vendosur të shiten në ankand me rastin e 49-të vjetorit të firmës së njohur Barrett-Jackson Scottdale.
I njohur më shumë për rolin e tij si Brian O’Conner në filmin e famshëm Fast and the Furious, Walker ishte një fans i zjarrtë i makinave i cili humbi jetën gjatë një aksidenti me një Porsche Carrera GT në vitin 2013.
Pjesë e ankandit do të jetë veçanërisht, makina e cila ka bërë më shumë bujë, përgjatë filmit ‘Fast dhe Furious 5’, një Nissan 370Z, e cila u bë pjesë e ‘koleksionit’ të makinave që ekipi grumbulloi në film. Ankandi do të zhvillohet në datat 11-19 Janar 2020.
