Këngëtarja Elhaida Dani është favorite për të fituar edicionin e radhës së Eurovisionit me këngën e saj “I’m Alive”. Kjo është ajo që bëhet e ditur nga tabloidi britanik Daily Mirror e cila i ka kushtuar një artikull këngëtares shqiptare. Në artikullin e sa Mirror thekson faktin se 54 për qind e lexuesve të kësaj gazete mendojnë që Britania duhet t’ja jap Shqipërisë 12 pikë.
Në artikullin në fjalë, ku gazeta britanike bën një prezantim të Shqipërisë dhe këngës “I’M Alive” pyeten lexuesit se sa pikë duhet që Britania t’i japë Shqipërisë. Dhe 54.5 për qind e të anketuarve janë që Britania t’ja japë12 pikët Shqipërisë.
“Elhaida është një zë i fuqishëm në këtë garë, edhe nëse kënga e saj nuk është aq argëtuese ka një gjë që bën që ju të drithëroheni nga ajo. Lirikisht, nuk mund të themi se është një botë e ndriçuar, por vokalisht, Elhaida fluturon në një rang të lart dhe bën që kjo këngë do të jetë konkurrente serioze.” shkruan Mirror.
Nga përfaqësimet e Shqipërisë në Eurovision deri më tani spikat performanca e Deri me Rona Nishliut me këngën Suus që arriti në vendin e pestë por këtë radhë pritjet janë më të mëdha.
Kjo për shkak se Shqipëria prezantohet me një këngëtare që tashmë është emër i njohur në gjysmën e Europës, Elhaida Dani. Ajo është fituese e edicionit të vitit 2013 të The Voice of Italy.
Redaksia Online
(JavaNews.al)