Shqiptari Baftjar Bruka, i shpallur në kërkim, nën akuzën si një nga personat që vendosën tritol te farmacia e babait të Ministrit të Brendshëm, Saimir Tahiri, është një nga krerët e një grupi xhihadistësh që planifikojnë sulme terroriste në Itali.
Kjo është ajo që bëhet e ditur nga mediat italiane të cilat citojnë hetuesit italianë që kanë rënë në gjurmët e një grupi terroristësh që po parashikojnë një sulm të radhës.
Sipas mediave italiane Bruka është koka e një grupi xhihadistësh që po bashkëpunon me një sirian të quajtur Ahmed Dughaim. Ky i fundit ka qenë luftëtar në vitin 2012 në Lindjen e Mesme.
Sipas hetuesve italianë, Bruka dhe siriani kanë rënë në prenë e hetimeve të kryera nga autoritetet ku dyshohet se ato kanë planifikuar një sulm terrorist në Venezia.
Baftjar Bruka, së bashku me të shumëkërkuarin Vladimir Gjuta janë në mesin e personave të dyshuar si autorë të vendosjes së tritolit ndaj Tahirit.
Redaksia Online
(JavaNews.al)
