Ivica Daçiç, Ministri i Jashtëm i Serbisë ka deklaruar se Maqedonia aktualisht nuk ka të ardhme evropiane.
Deklaratat ai i bëri në Budva të Malit të Zi, duke thënë se fajtor për këtë është edhe Bashkimi Europian, për shkak të mos angazhimit të mjaftueshëm për zgjidhjen e çështjes së emrit, siç ishte angazhuar për arritjen e marrëveshjes mes Serbisë dhe Kosovës.
“Dua të ju pyes kur ka zhvilluar BE-ja ndonjë takim me temën e emrit të Maqedonisë? Unë jam takuar me Hashim Thaçin më shumë se 40 herë, dhe kur ka iniciuar dikush që kjo çështje të zgjidhet? Maqedonia nuk ka perspektivë evropiane, mund të jetë më e mirë apo më e keq, njësoj e ka”, tha Ivica Daciç
Ai kritikoi edhe qasjen e NATO -s ndaj kryengritjeve dhe shtroi pyetjen se me çfarë kritere NATO dallon luftërat për liri nga aktivitetet terroriste.
“Ku është dallimi midis luftëtarëve për demokrati në të ashtuquajturën ‘Pranverën arabe’, dhe baza për aktivitet terroriste pas kësaj”, u shpreh Ministri serb
