Ministri serb i Punëve të Jashtme Ivica Daçiç, në Varshavë, në konferencën vendeve anëtare të Grupit të Vishegradit, ka bërë shumë pyetje dhe akuza ndaj Bashkimit Europian rreth dhe për Kosovën, transmeton Koha.net.
“A mendoni se Serbia do ta njohë Kosovën pa e njohur të gjitha vendet e BE –së?”, ka pyetur ai.
Ai, siç njofton FoNet, e ka shtruar pyetjen a është nënshkruar njësoj Marrëveshja e Stabilizim Asociimit me Kosovën siç është bërë me vendet tjera që e kanë nënshkruar MSA-në?
A janë “shënjuar” përfaqësuesit e Kosovës me fusnotë në takime? A e respektoni neutralitetin e statusit? Po flisni për Kosovën si për shtet të pavarur e ne nuk pajtohemi me këtë. A ratifikohet MSA-ja me Kosovën në parlamentet kombëtare apo vetëm në parlamentin Europian? Si mund të flisni për Kosovën si shtet? (b.an)
