Serbia pa dyshim se do të mbrojë interesat e saja nacionale dhe shtetërore. Kështu ka deklaruar të shtunën, zëvendëskryeministri i Serbisë, Ivica Daçiç, duke reaguar ndaj vendimit të Kuvendit të Kosovës për ligjin për Trepçën.
Në një deklaratë për gazetën serbe “Kurir”, Daçiç ka thënë se ka marrë vesh që Marko Gjuriç, i ashtuquajturi shef i Zyrës për Kosovën në Qeverinë e Serbisë, do të kërkojë nga Qeveria në mënyrë që kjo e fundit të kërkojë thirrje të një seance të Këshillimit të Sigurimit të OKB-së.
“Kjo do të thotë se në mbledhjen e Qeverisë, kjo temë do të diskutohet. Përderisa kjo të jetë kështu, do t’i drejtohemi KS të OKB-së për të thirrur një seancë urgjente. Ne kemi të drejtë për këtë, mes tjerash, edhe sepse Kosova dhe Metohija është nën Rezolutën 1244”, ka thënë Daçiç, transmeton Koha.net.
I pyetur nëse Serbia do t’ia del që të mbrojë “pronën e saj”, ai është përgjigjur se “duhet të provojmë të bëjmë gjithçka”. (b.an)
