Atletika shqiptare nuk mundi dot të bëjë prezantimin e saj në Kampionatin Europian të sallave të mbyllura në Glasgow. As Izmir Smajlaj e as Luiza Gega nuk mundën të garonin.
Nëse atleti i kërcimit së gjatë pati probleme fizike që e tërhoqën nga aktiviteti, Luiza Gega u penalizua nga ndryshimet e rregullores për të cilat ajo dhe trajneri i saj u informuan shumë vonë.
Atletja shqiptare që ishte kualifikuar në 2 gara 1500 dhe 3000 m nuk u lejua të merrte pjesë në këtë disiplinë të dytë. Kjo për faktin se ajo nuk kishte njoftuar në kohë mospjesëmarrjen e saj në 1500 m. Sipas rregullores së re, Gega dhe stafi i saj duhet të kishin bërë të ditur vendimin e tyre një ditë para garës ose ajo mund të kishte hyrë në garën e 1500 m dhe ta linte atë përgjysmë, dicka të cilën ajo nuk e mësoi në kohën e duhur.
Mesazhi i Luiza Gegës pas mos pjesmarrjes në garë.
Cdo gje qe marr nga ky sport eshte thjesht emocioni qe ndjej ne ate piste vrapimi.
Ne vendin tone sado sport te besh ,cfardo medalje te sjellesh, sado vite te sakrifikosh edhe po te arrish shume lart perseri kurre sdo te arrish te sigurosh asnje te ardhme. Ne momentin kur ti ta lesh ate do te te duhet te ja nisesh nga e para.
Nuk ka lidhje sa ti ke dhene e je munduar per vendin tend.
E bej kete sport sepse e kam pasion me gjith shpirt , e bej vetem per ato emocione qe ndjej ne gare, pavarsisht cdo gjeje qe duhet te sakrifikoj, pavarsisht se nuk rri dot afer familjes, shoqerise, nuk dal dot darkave sepse duhet te mbaj regjim, pavarsisht nuk shkoj dot ne shume gezime apo hidherime te te afermeve sepse do jem diku ne mal duke u stervitur. Perseri pasioni per te mund gjithcka eshte dicka qe e dua me shpirt dhe me tmerron fakti qe do vi nje dite qe duhet ta le.
Sot me shume se kurre ndjeva aq dhimbje, trishtim qe sme lane te futem ne gare,ku nuk ka rendesi ne do fitoja apo jo, nese do e arrija qellimin tim apo jo. Thjesht do jepja maksimumin tim dhe kaq per te cilin jam lodhur cdo dite me ato kushte pa marr parasysh ne binte shi, ne ishte ftohte, ne ishte diell dhe kaq. Nuk u futa per nje rregullore te re qe nuk e kishim ditur.
Une u kualifikova ne dy gara ( dhe ky eshte vertet sukses) ne 1500m dhe ne 3000m , lejohet ne cdo aktivitet te besh dy gara. Menduam me tranjerin te benim vetem 3000m sepse ishin vetem me 1 ore diferenc nga njera tjetra dhe nuk do kisha mundesi te beja garen sic duhet 3000m ku ishte dhe gara e dyte.
Per garen 1500m duhet te deklaroja qe nuk do merja pjese dhe kte duhet ta kisha bere nje dite perpara ose duhet te isha futur ne garen e 1500m dhe ta lija pergjys, por koha kur e morem vesh ishte shume vone. Pavarsisht apelimit, pavarsisht cdo gjeje qe beme nuk me lejuan te bej gare sepse sipas tyre keshtu ishte pika e rregullores.
Ne keto momente ndihem vertet e thyer saqe sdi ta shpreh me fjale.
Me vjen keq per gjithe lodhjen dhe Sakrificen qe ben tranjeri me mua dhe qe dhe ate e mban vetem pasioni i madh qe ka per kete sport. E di qe asgje nuk ka ndodhur sepse une kam shume e shume e shume gara te medha.
