Çudia e Lulzim Bashës, i ankohet për oligarkët Nikolin Jakës, që njihet si “rekordmen” i tenderave

Lideri i opozites Lulzim Basha ka akuzuar qeverine se deshtoi te menaxhonte krizen ekonomike te shkaktuar nga pandemia e koronavirusit.

Gjate nje takimi me drejtuesit e Dhomes se Tregtise dhe Industrise, Basha theksoi se kryeministri Edi Rama ne vend qe te ndihmonte qytetaret dhe bizneset ne kete periudhe te veshtire, zgjodhi te shpenzoje parate e shtetit per nje grusht oligarkesh.

Por ndersa kryetari i PD Basha sipas njoftimit te Partise Demokratike foli per parate qe marrin oligarket, nje prej biznesmeneve te pranishem ne kete takim, Nikolin Jaka, ka marre dhjetera tendera vecanerisht ne sektorin e shendetesise.

Bashkeshortja e Nikolin Jakes si pronare e vetme e kompanive AGS SHPK dhe SORI-AL ka fituar gjate viteve te fundit 51 tendera duke i marre buxhetit te shtetit 12 milione euro.

Kompania që ka thyer rekord është SORI-AL qe ka fituar plot 42 tendera.

Nga ana tjetër, kompania tjetër, AGS SHPK, ka fituar 9 tendera në total. Përkatësisht 3 në pushtetin lokal, duke kapur shifrën mbi 1 miliardë lekë të vjetra, ndërsa në sektorin e shëndetëtësisë kanë fituar 6 tendera me vlerë mbi 3 miliardë lekë.

Në këto tendera, zonja Tafani ka ofruar shërbimet e kompanive të saj për ushqim në spitalet e vendit si dhe shërbimin e lavanderisë. Kujtojmë se një skandal me këto tendera ishte ai i larjes së çarçafeve ku për 42 ditë i kanë marrë QSUT mbi 300 milionë lekë, ose ushqimi i ofruar për pacientët, të cilët vetë e kanë denoncuar si skandaloz në rrjetet sociale.

Klientët më të mëdhenj të këtyre dy kompanive janë pikërisht Bashkia e Tiranës, QSUT, Spitali i Traumës, por edhe spitalet rajonale si ai i Beratit, Vlorës, materniteti Mbretëresha Geraldinë etj.

VizionPlus