Për kompaninë britanike e kontraktuar nga qeveria shqiptare për të audituar doganat, Crown Agents, nuk do të ketë rinovim të kontratës së nënshkruar. Siç raporton Ora News, nuk do të ketë rishikim të kësaj kontrate pasi kompania paguhet në bazë të performancës.
Kontrata e kësaj kompanie është miratuar, në 10 shkurt të 2014, me një afat 2 vjeçar dhe lë një hapësirë për shtyrje edhe me 12 muaj të kontratës në bazë të vendimit të qeverisë shqiptare.
Dhe marrëveshja përfundon zyrtarisht në fundt të muajit shkurt të 2016 ku pas analizimit të dhënave do të merren edhe vendime përkatëse.
Kompania Crown Agents u kontraktua nga qeveria shqiptare me zotimin se do të rriste të ardhurat doganore me 1% të PBB-së, por në bazë të treguesve fiskale konstatohet se doganat kanë pasur një mosrealizim të ndjeshëm në 7 mujorin e parë të këtij viti.
Por në mbledhjen e të ardhurave dështimi ka qenë i dukshem, ndaj dhe autoritetet nuk do ta marrin në konsiderate pikën e marrëveshjes që flet për shtyrje të afatit të kontratës.
Gjatë vitit të parë të punës në Shqipëri marrëveshja me Crown Agents i ka kushtuar qeverisë mbi 4.2 milionë euro, ndërsa vetëm automjetet kushtuan 400 mijë euro.
