Më 27 Gusht do të mbahet në Vjenë Samiti i vendeve të Ballkanit Perëndimor ku të pranishëm do të jenë liderët Ballkanit. Në samitin e iniciuar nga Kancelarja gjermane Angela Merkel do të jenë të pranishëm Kryeministri Edi Rama, Kryeministri i Kosovës Isa Mustafa, ai i Serbisë Aleksandër Vuçiç si dhe liderët e Maqedonisë, Malit të Zi, Kroacisë dhe Sllovenisë.
Sipas mediave gjermane temë e takimit do të jetë dhe çështja e refugjatëve që kanë kërkuar azil në Gjermani dhe BE. Numrin më të lartë të kërkesave për e kanë nga Kosova, Shqipëria dhe Serbia.
Për kryeministrin Rama ky do të jetë takimi i dytë me kancelaren Merkel brenda pak muajve, pas vizitës në 8 Korrik, që kancelarja zhvilloi në Shqipëri.
Në takimin e krerëve të Ballkanit pritet të diskutohet dhe për çështjet që kanë ngelur pezull mes Kosovës dhe Serbisë.
