Që prej ditës kur deklaruan se do të mbanin maska, çifti Meta-Kryemadhi asnjë ditë nuk është parë në publik me një të tillë. Në rastin më të mirë, Ilir Meta e ka vendosur atë poshtë mjekrës duke sjellë një shembull nonsens, teksa përballë kishte 10 gazetarë në 10 metra largësi. Bëhet fjalë për konferencat e tij të përjavshme. Ndërsa bashkëshortja e tij, deklaroi fort se maskën do ta vendoste, por të kuqe flakë që ta tërbonte Edi Ramën. Dhe në fakt, prej asaj deklarate është parë vetëm në studiot televizive duke u mburrur se e ka kaluar Covidin. Një skandal më vetë ky që u kritikua ashpër në rrjet dhe në media sesi një e infektuar kishte bredhur e lirë pa treguar për virusin që mbartte.
Gjithësesi, nga deklarata se do ta mbanin maskën kanë rrjedhur pak ngjarje, por me shumë bujë. Çifti në fjalë mendohet të jetë gjobitur edhe në datëlindjen e aktorit Besart Kallaku ku dhjetëra të ftuar u harbuan pa maska dhe në ambient të mbyllur.
Foto e mësipërme i përket orëve të fundit ku Ilir Meta shfaqet në krah të një personi në Spitallë të Durrësit. Presidenti me raki dhe mikpritësi me birrë. Të dy përqafe, pa maska, sikurse të tjerët pas tyre. Një president që ditën mbledh Komitetin e tij Teknik dhe bërtet për infektimet, jo vetëm duhet të mos pozojë më nëpër lokale, por duhet “t’i kapë me shkelma” edhe ata që gjen në shkelje të rregullave.
Dikush duhet t’i njoftojë Metën dhe Kryemadhin se ‘regjisori’ i këtij modelit i ka humbur zgjedhjet. Donald Trump që luftonte me shkresa koronavirusin dhe në daljet publike sillej si këta të dy tashmë është zëvendësuar nga Joe Biden. Ndaj nuk dihet nga i buron guximi dhe nga frymëzohet për këto sjellje të papërgjegjshme çifti presidencial…
(JavaNews / A. Rada)
po mir e kan