Varianti afrikan i Covid ka depërtuar në Kosovë. Një qytetarë është konfirmuar me rastin afrikan të Covid, ndërkohë që nuk dihet ende nga është marrë infeksioni. Nga Ministria e Shëndetësisë bëhet e ditur pacienti i infektuar është hospitalizuar dhe trajtuar në Klinikën Infektive.
Njoftimi i IKPSH-së:
Komunikatë për media. Në laboratoret e Mikrobiologjisë të IKSHPK, në baza ditore testohen mesatarisht mijëra mostra në ditë. Nga mostrat e testuara në SARS-CoV-2, është konfirmuar edhe një rast me variantin afrikan të SARS CoV-2: South Africa (S.A) Lineage B.11351 (N501Y) (WHO label: Beta). Pacienti është i hospitalizuar dhe duke u trajtuar në Klinikën Infektive. Duke qenë se tashmë rasti është kontaktuar, do të hulumtohen kontaktet për identifikimin eventual të rasteve të reja. Rastet e tilla të virusit mutagjen janë regjistruar tashmë në shumë vende të botës. Ekipet hulumtuese të IKSHPK po gjurmojnë pandërprerë të gjitha burimet e mundshme për të parandaluar përhapjen e mëtutjeshme të rasteve dhe implikimet e mundshme në shëndetin e njeriut. Masat parandaluese janë të njëjta. Personat të cilët rezultojnë pozitiv duhet të qëndrojnë në shtëpi për të parandaluar përhapjen në familje dhe në komunitet. Me zvogëlimin e kontakteve, do të mundësohet ndërprerja e përhapjes së infeksionit. IKSHPK përsërit thirrjen për zbatimin e të gjitha masave të përgjithshme dhe specifike për mbrojtjen nga pandemia COVID-19 dhe zbatimin e masave të Qeverisë së Republikës së Kosovës.
Qeveria e Kosovës, një muaj më parë mori vendimin për të ndaluar të gjitha hyrjet e personave që vijnë nga India, Brazili, dhe Afrika e Jugut, për të mos përhapur vriantin e Covid.
g.kosovari
