Në të gjithë botën numri I përgjithshëm i personave të identifikuar me Covid është rritur në afro 24 milionë, kurse totali i viktimave ka shkuar në 820 mijë.
Në grafikun e pandemisë, SHBA-ja ndodhet në krye e ndjekur nga Brazili, India dhe Rusia.
Rastet e infeksionit të koronavirusit në Shtetet e Bashkuara janë rritur me 38.204 njësi në 24 orët e fundit duke e çuar totalin e të identifikuarve pozitiv me Covid-19 është 5.8 milionë.
Sipas autoriteteve, në 24 orët e fundit në vend kanë humbur jetën 1210 pacientë për një total prej 178 524 vdekjesh Covid që prej fillimit të pandemisë.
Brazili ka regjistruar 1,271 vdekje të tjera që lidhen me koronavirus në 24 orët e fundit. Numri i përgjithshëm i viktimave ka shkuar në 116 580.
Gjithashtu në 24 orët e fundit ka patur edhe 47.134 raste të reja të infeksionit, për gjithsej 3,669,995 pozitivë që nga fillimi i pandemisë.
g.kosovari
