Pas më shumë se dy javë pezullim për shkak të situatës së koronavirusit, Kuvendi i Shqipërisë i rikthehet punimeve. Seancat dhe komisionet do të zhvillohen të gjitha online, pa praninë fizike të deputetëve dhe medias.
Të premten, kryetari i Kuvendit Gramoz Ruçi ka njoftuar Konferencën e Kryetarëve. Në rend të ditës do të jenë dy pika. E para është miratimi i kalendarit të punimeve të Kuvendit për periudhën 30 mars deri më 17 prill, dhe e dyta miratimi i grafikut të mbledhjeve të komisioneve të përhershme parlamentare.
Mesohet se komisionet nisin punën javën e ardhshme e në shqyrtim do të jenë të gjitha aktet normative të ndërmarra deri tani nga Qeveria për masat mbrojtëse në luftën kundër përhapjes së koronavirusit. /e.s/
