Serbia në orët e mbrëmjes së djeshme ka marrë dhe një kontigjent i ri prej 500 mijë vaksina nga prodhuesi kinez “Sinofarm’.
Mediat bëjne me dije se vaksinat kanë arritur përmes aeroplanit të “Air Serbia: në aeroportin Nikola Tesla të Beogradit.
Serbia ditë më parë u rendit si vendi i shtatë në botë që mori më së shumti vaksina dhe i treti në Evropë.
Pavarësisht shpërndarjes së madhe të këtyre vaksinave, numri i rasteve me koronavirus në Serbi vazhdon të jetë shumë i lartë.
Sipas të dhënave të fundit, 2,088 raste të reja të infeksionit janë regjistruar në Serbi dhe 14 persona të tjerë kanë vdekur në 24 orët e fundit. Numri i të vdekurve që nga fillimi i pandemisë është 4,168, dhe një total prej 413,943 janë infektuar.
Kryeministri i Serbisë, Ana Brnabić, tha se, duke llogaritur kontingjentin e fundit, tani ka rreth një milion e gjysmë vaksina Sinofarm në vend.
“Kjo, së bashku me organizimin e shkëlqyeshëm të vaksinimit, na ndihmuan të jemi vendi i dytë në Evropë për sa i përket numrit të vaksinuarve dhe i shtati në botë,” tha ajo në aeroportin e Beogradit, raporton B92.
g.kosovari
