Një tjetër goditje e fortë e FBI-së ndaj mafias në New York. Mbi 40 persona të familjeve të fuqishme mafioze që njihet me emrin Cosa Nostra, kanë rënë në pranga.
Të arrestuarit janë pjesë e familjeve Genovese, Gambino, Lucchese dhe Bonanno. Në mesin të arrestuarve është edhe John Gotti Jr, nipi 21 vjeçar i ish-bosit të famshëm të familjes Gambino, me të njëjtin emër. Hetuesit gjetën në shtëpinë e tij tableta dhe një shumë prej 40.000 mijë dollarësh.
Të gjithë të arrestuarit akuzohen për grabitje, para me fajde, trafikimin e armëve, kontrabandë, mashtrime të sigurimeve shëndetësore.
Ata u vunë në pranga gjatë një operacioni të kryer orët e fundit në New York nga ana e FBI-së. Lajmi u publikua nga agjencia federale në twitter.
Sipas mediave amerikane, operacioni ka ndodhur pas hetimeve që kanë zgjatur për vite dhe që ka ndikuar në gjithë bregdetin lindor të Shteteve të Bashkuara të Amerikës.
Në pranga të policisë ka përfunduar edhe bosi i mafias në Philadelphia, Joseph Merlin i cili u arrestua në rezidencën e tij verore në Florida.
