Menaxheri i Chelseat, Antonio Conte, është i hapur ta nënshkruajë kontratën e re me klubin aktual, shkruan zeri.info.
Trajneri i “Blues” flitej se mund të largohet nga “Stamford Bridge” në fund të sezonit, por italiani thekson se do të ishte i hapur për mundësinë e qëndrimit për një sezon tjetër në Londër edhe pse spekulohet se mund të rikthehet në Itali, ku e pëlqen mbi të gjitha Milani.
Megjithatë, ish-trajneri i Juventusit ka thënë se priste që klubi të reagonte karshi spekulimeve për një largim të mundshëm, duke e konfirmuar ose jo besimin ndaj tij.
“Më duhet të jem i sinqertë, kur ka lloje thashethemesh apo spekulimesh pas ndeshjes së parë sezonale ndaj Burnleyt, ndoshta do të doja që klubi ta përgatitë një komunikatë për mua që të thonë se besojnë në punën time”, deklaroi Conte për “Cobham Training Ground”. (b.an)
