Kina, një vend që Shtëpia e Bardhë e ka quajtur një “konkurrent strategjik”; një vend i angazhuar në operacione me ndikim aktiv kundër nesh; një vend që Departamenti i Shtetit e përshkruan si një shtet autoritar që përfshihet në abuzime të mëdha të të drejtave të njeriut; një vend për të cilin Shtëpia e Bardhë tha se “ka përfituar vazhdimisht nga ekonomia amerikane”; një vend, udhëheqja e të cilit Sekretari i Shtetit Mike Pompeo e përshkroi si një “kërcënim thelbësor për shëndetin tonë dhe mënyrën e jetës”; një vend zyrtarët e administratës Trump janë duke fajësuar për mbulimin e së vërtetës në lidhje me shpërthimin e koronavirusit.
Kina, vendi në të cilin Shtetet e Bashkuara janë mbështetur në furnizimin me pajisje për të shpëtuar jetët e Amerikës. Në një kthesë të çoroditur – dhe të shmangshme – të fatit, vendi që ishte ndoshta përgjegjës për përhapjen e virusit për shkak të përpjekjeve të tij për të mbuluar shpërthimin fillestar, tani është ne pozicionin më te mirë për të përfituar nga ndikimi i tij fatal.
Komuniteti i inteligjencës amerikane ka paralajmëruar që Kina ka ndërmend të zgjerojë ekonominë e saj globale ne keto kohe. Tani, ndërsa epiqendra e pandemisë është zhvendosur në Shtetet e Bashkuara me më shumë se 300,000 raste të konfirmuara të Covid-19 që nga 4 prilli, mungesa e përgatitjes së Trump i ka dhënë Kinës një hapje, për t’u zgjeruar që të arrijë shpejt nje pozicion avantazhi. Administrata e Trump duhet të kishte patur një strategji në vend, për të grumbulluar në mënyrë të duhur dhe shpërndare furnizimet kryesore, përpara se pandemia të godiste SHBA. Nuk e bëri.
Për t’i bërë gjërat më keq, Presidenti Donald Trump hezitoi me javë të tëra për të përdorur Aktin e Prodhimit të Mbrojtjes, të cilin ai më në fund e thirri për të ndihmuar në drejtimin e materialeve dhe burimeve të tjera për prodhuesit vendas, për të prodhuar ventilatorë dhe maska N95. Të premten, presidenti u vu ne levizje për të zvogëluar eksportin e pajisjeve mbrojtëse personale shpëtuese – pasi më shumë se 7,000 amerikanë tashme kishin vdekur.
Megjithë lëvizjet e fundit të Trump, Shtetet e Bashkuara ende nuk po prodhojnë pajisje të mjaftueshme për të përmbushur nevojat e punonjësve të kujdesit shëndetësor dhe të sëmurëve. Paaftesia e administratës për t’u përgatitur për pandeminë, i ka lënë njerëzit pa zgjidhje tjetër, përveç se të gjejnë furnizime aty ku munden. Guvernatori i New York, Andrew Cuomo, i cili tha të shtunën se qeveria kineze ndihmoi në lehtësimin e dhurimit të 1000 ventilatorëve për shtetin, porositi tashmë 17,000 ventilatorë nga Kina.
Ndërkohë, qytetarë privatë, siç është pronari i ekipit sportiv te “Patriotëve” Robert Kraft, kanë importuar në mënyrë të dëshpëruar maska nga Kina. Prodhuesi më i lartë i pajisjeve mjekësore në Kinë tha se kërkesa për ventilatorë, për shembull, tani është 10 herë më e lartë se ajo që është në dispozicion në spitalet në nivel global. Ndërsa të dhënat nga burimet kineze janë larg nga të besueshme, një zyrtar i qeverisë kineze tregoi se Kina ka 21 prodhues të ventilatorëve dhe se prodhuesit kinezë kanë porosi për 20,000 ventilatorë nga jashtë.
Me këtë ritëm, porositë për produktet kineze do të vazhdojnë të rriten. Kina po merr para për një krizë, ku ajo luajti një pjesë të madhe në krijimin e saj. Kjo është një gjë e mirë për ekonominë e Kinës dhe një pikë e madhe propagande për Partinë Komuniste Kineze. Sulmet e tyre dezinformuese janë përpjekur ta pikturojnë Partinë si një udhëheqëse globale, kur bëhet fjalë për reagimin ndaj krizave, pavarësisht faktit se është drejtpërdrejt përgjegjëse për shtypjen e informacionit për shpërthimin e epidemisë, çka lejoi që koronavirusi të përhapet për javë të tëra.
Ndërsa Shtetet e Bashkuara po përpiqen të përmbajnë virusin, të trajtojnë ata që janë infektuar dhe të marrin furnizime të mjaftueshme mjekësore, Kina, duke pretenduar se është “post-virus”, është duke prodhuar furnizime me një ritëm që ne nuk mundemi. Pas muajsh bllokimesh, Kina mund të fillojë të veprojë përsëri ekonomikisht, duke mbushur boshllëkun ekonomik, ndërsa ne përleshemi vetëm për të kufizuar virusin. Ata kanë një strategji – ne jo.
Marre me shkurtime nga CNN
