Një numër rekord njerëzish janë duke hequr dorë nga shtetësia e tyre në SHBA, tha nje studim i ri i publikuar të Dielën, shkruan CNN. Më shumë se 5,800 amerikanë hoqën dorë nga shtetësia e tyre në gjashtë muajt e parë të vitit 2020 në krahasim me 2.072 amerikanë që hoqën dorë nga shtetësia e tyre në të gjithë vitin 2019, sipas Bambridge Accountants, një firmë me qendër në New York, e specializuar në taksat e emigracionit në SHBA.
Firma tha se shqyrtoi të dhënat publike, të publikuara nga qeveria amerikane çdo tre muaj, për emrat e të gjithë amerikanëve që heqin dorë nga shtetësia e tyre. “Këta janë kryesisht njerëz që tashmë janë larguar nga SH.B.A. dhe thjesht vendosën se duhet ta mbyllnin edhe formalisht praktiken”, tha Alistair Bambridge, partner në Bambridge Accountants, për CNN. “Ajo që kemi parë është se njerëzit janë te ndjeshem mbi gjithçka që po ndodh me Presidentin Donald Trump, se si po trajtohet pandemia e koronavirusit, si dhe politikat e ndjekura ne SHBA për momentin”.
Ndërsa shumë njerëz që kanë hequr dorë nga shtetësia e tyre ankohen se nuk janë të kënaqur me klimën e sotme politike në SHBA, një arsye tjetër për vendimin e tyre shpesh janë taksat, sipas Bambridge. Qytetarët amerikanë që jetojnë jashtë kërkohet që të paraqesin deklarata tatimore çdo vit, të raportojnë llogaritë e tyre bankare të huaja, investimet dhe pensionet, tha ai. Ndërsa këta qytetarë ishin në gjendje të kërkojnë stimulin prej 1,200 $ dhe 500 dollarë për secilin fëmijë, për shumë njerëz, raportimi vjetor i taksave në SHBA “është shumë i tepërt”. Amerikanët që duan të heqin dorë nga shtetësia e tyre, duhet të paguajnë 2350 dollarë dhe të paraqiten personalisht në ambasadën amerikane në vendin e tyre nëse nuk janë në Amerikë. Megjithë rreziqet që vijnë me heqjen dorë të një shtetësie amerikane, Bambridge parashikon që prirja vetëm do të vazhdojë të rritet. “Shumë njerëz janë duke pritur për zgjedhjet e nëntorit, për të parë se çfarë do të ndodhë,” tha ai. “Nëse Presidenti Trump rizgjidhet, ne besojmë se do të ketë një valë tjetër njerëzish që do të vendosin të heqin dorë nga shtetësia e tyre.”
gjoka